شـــــــــــــــقـــــــــــــاوه

انضم الينا ستجد كل ما تتمناه


أهلا وسهلا بك زائرنا الكريم, أنت لم تقم بتسجيل الدخول بعد! يشرفنا أن تقوم بالدخول أو التسجيل إذا رغبت بالمشاركة في المنتدى

ياتري احنا عايشين بوشين.....

استعرض الموضوع السابق استعرض الموضوع التالي اذهب الى الأسفل  رسالة [صفحة 1 من اصل 1]

1 ياتري احنا عايشين بوشين..... في الثلاثاء أكتوبر 09, 2007 8:55 pm

hanynity


المراقبه
المراقبه
ما تسيب الملك للمالك ..مش عارفه هو العيب في البيت ولا في اللي صوره







ياتري احنا عايشين بوشين





امبارح وانا بقلب في القنوات لقيت فيلم كلم ماما لعبله كامل ، ما خدتش بالي من اسم القناة ، بس لقتني بفكر في حاجه غريبه اوي ، ليه في ناس عايشه بوشين مثلا عبله كامل دي ممثله ممتازه وليها ادوار كتير اوي في التليفيزيون هايله ، بس ما اعرفش بيبقي عقلها فين وهي بتختار ادوارها في السنيما ، وهل يا تري بتمثلها وهي منومه مغناطيسيا ، وهل لما بترجع تشوف اللي مثلته ده مش بتندم وبتكره نفسها ....؟؟؟؟

فضلت الحكايه دي شغلاني لفتره ، وبعد تفكير لقيت ان مش هي لوحدها اللي كده لا ده كل المجتمع تقريبا كده
اعرف واحد متدين وحافظ القرآن كله وما بيسيبش فرض والناس تقولك ...الا الاستاذ فلان ......بس تعالوا بقي نشوف استاذ فلان ده مع مراته وعياله في البيت .....حدث ولا حرج ضرب واهانات لزوجته وولاده طول الوقت طول الوقت
يا اخي دا سيد الخلق صلي الله عليه وسلم بيقول "خيركم خيركم لاهله"

ناس تانيين بنتهم بتنزل من البيت ما تعرفش اذا كانت لابسه هدوم خروج ولا ....من غير
وتلاقيهم مش راضيين عن لبسها وكمان يقعدوا ينتقدوا اللي بيلبسوا كده ...طب ما تمنعوها من اللبس ده(اتأمرون الناس بالبر وتنسون انفسكم وانتم تتلون الكتاب افلا تعقلون ) صدق الله العظيم

ناس بتقول حاجه وتعمل حاجه تانيه ، ناس علي النت وفي الشات عايشه بشخصيه مختلفه 180 درجه عن شخصيتها الحقيقيه
وناس وسط اصحابها غير ما بيبقوا مع اهلهم......وغيرهم وغيرهم قايمة طووووويله


هل يا تري احنا شعب بوشين بنقول كلام وبنعمل غيره....؟؟؟؟؟؟

ممكن نكون كلنا مصابين بازدواجية الشخصيه.....وممكن نبقى بوشين علشان نرضى الى بتتعامل معاه ..؟

هل السبب في ازدواج شخصيتنا هو عدم اتضاح الرؤية لدينا او عدم وضوح الهدف او عدم وضوح الهوية أو باسلوب اخر بتظهر الازدواجية لما يكون الواحد مش عارف نفسه عايزة ايه

ام انه راجع الي ضعف الوازع الدينى بالاضافه الى سوء وقلة التعليم و انعدام التربية بسبب لهاث الابوين وراء توفير متطلبات الحياة اليومية

ولا كل الاسباب دي مع بعض
ولا ...ولا ...ولا......لحد دلوقتي ما توصلتش للسبب الاساسي
وما زال البحث جاري




معاينة صفحة البيانات الشخصي للعضو

2 موضوع جيد في الأربعاء أكتوبر 10, 2007 11:27 am

glamorous love


الاداره- اشراف عام
الاداره- اشراف عام
ميرسى اليك على الموضوع الجيد
فعلا عندك حق ده موضوع منتشر جدا
ومن وجهة نظرى ان هذا بيرجع الى :-

- لعدم وضوح الانسان مع نفسه يعنى مفيش حد عارف هو عايز ايه ومشين وراء الموضة فى كل حاجة فى حياتنا
الموضة نكون متدينين نبقى شكلا متدينين ولكننا لا نتعمق فى اصول الدين
الموضة نروش بنروش لدرجة الانحلال
لا يوجد وسط فى حياتنا
- وبسبب السلبية الطاغية على حياتها والموجودة بشكل واضح جدا
والرضا بالمشاكل على انها شئ اساسى فى حياتنا ونقول كده رضا احنا راضين والحمد لله
ما اه الحمد لله على كل حال بس سنظل سلبين الى متى ؟؟؟؟؟؟؟؟؟؟؟؟؟
ونعلق كل مشاكلنا على شماعة الظروف

وفى النهاية
ان الله لا يغير ما بقوما حتى يغيروا ما بانفسهم


_________________


المخلصون نادرون ..
كالاحجار الكريمة ..
لكن أن وجدناهم فهم فى ..
حياتنا ثراء لا يقدر بثمن ..
معادنهم تشع بالمحبة ..
وأن قصرنا فى حقهم ....
لا يتغيــــــــــــرون ....

معاينة صفحة البيانات الشخصي للعضو http://sh2wh.ahlamontada.biz/

استعرض الموضوع السابق استعرض الموضوع التالي الرجوع الى أعلى الصفحة  رسالة [صفحة 1 من اصل 1]

صلاحيات هذا المنتدى:
لاتستطيع الرد على المواضيع في هذا المنتدى