شـــــــــــــــقـــــــــــــاوه

انضم الينا ستجد كل ما تتمناه


أهلا وسهلا بك زائرنا الكريم, أنت لم تقم بتسجيل الدخول بعد! يشرفنا أن تقوم بالدخول أو التسجيل إذا رغبت بالمشاركة في المنتدى

طريقه الاكل لو خارجه مع خطيبك

استعرض الموضوع السابق استعرض الموضوع التالي اذهب الى الأسفل  رسالة [صفحة 1 من اصل 1]

1 طريقه الاكل لو خارجه مع خطيبك في الثلاثاء أكتوبر 02, 2007 1:41 pm

shosho amorh


عضو شقي مبتدىء
عضو شقي مبتدىء
أختي العزيزة لو ربنا فك عقدتك واتخطبتي
فإليك نصائحي حتى تأخذي بخطيبك من مركب الخطوبة إلِّي محدش عارف هاترسى على إيه
إلى مثوااااه الأخير في قفص النسانيس
قصدي قفص الزوجية السعيد


أجمل ما في الخطوبة العزومات الرومانسية على أحلى محلات أكل فى البلد
واللي عمرك ماهاتشويفها بعد الجواز
المهم نصائحي لك عند أي عزومة مع خطيبك

1-الأول لازم تعرفي إن الشوكة والسكينة بيتمسكوا من إيديهم
من الطرف يعني مش من الوسط ولا م البوز زي الخنجر ولا من فوق طبعًا


العيش أوعي تفضحينا وتقطعيه بسنانك ولا الرغيف نصين بأيدك وكل نص لقمة وتحشري أوعي
العيش بيتقطع بالسكينة فى الطبق وبعدين تاخدي لقمة
لقمة بالعافية قال يعني نفسك مسدودة
اضغطي على أعصابك جدااا
وبعدين لما تروَّحي إبقي حِفِّي زي مانتِ عايزه

3- الشوووربة
بند الشوربة ده مهم جدًاااا
أبوس كعب رجلك الشوربة تتشرب من غير صوت خالص ومن غير ماتقعدي تنفخي فيها زى القهوجى اللى بينفخ فى حجر للزبون
وطبعــاً عايزك تنسى تمامًاالسلطانية اللي بتقيميها على بقك ف البيت وتدلدقي على روحك
بالمعلقه وبدون صوت
سخنة ولعة برضه بدون صوت
وتسيبي تلت الطبق ع الأقل مش تميليه عشان تلهطيها لآخر نقطة


4- الرز
طبعاً بيتاكل بالشوكة أوعي إيدك تتمد ع المعلقة وتغرفي من طبق الرز وتعبي
إوعي
الرز بالشوكة وكأنك بتبوسيه مش بتاكليه

5- المكرونة
الاسباكتي برضه بالشوكة تتلف على طرف الشوكة
لحد ما تخلص وبعدين تحطيها فى بؤك من سكات
مش تشفطي المكرونة عود عود

6- السمك
مشكلة
شوفي
بتفصلي اللحم عن الشوك ..إزاي؟؟
تقطعي اللحم من النص بالطول وبعدين تفردي اللحم ع الجانبين ولما تخلصي ناحية
متقلبيش السمكة.. بلاش فلح
شيلي السلسلة بالشوكة والسكينة وحطيها ف جنب الطبق وكملي أكل النص التاني
وبدل الفيلم الهندي ده
نصيحة ماتكليش السمك خالص
قولي مابحبش السمك وخلصي نفسك

7- الجمبري
-إذا كنتي عارفاه-
أول ماطبق الجمبري ينزل.. بصيله بقرف واحتقار شديدين
آل يعني زهقانة من كتر أكل الجمبري الجامبو ف بيت بابـا
وأتنهدي جامد وقولي.. برضه؟؟؟
وتروحي قاطعة راس الجمبريياية بالشوكة
أنا فى عرضك إنسي المصمصة دلوقتى

8- البطاطس سواء مسلوقة أو محمرة
أوعي تهرسيها وتدبيها على الرز وتدي
لا..لآ...لآ
بالشوكة حتة حتة وإنتى زي ما تكوني هاتعيطي من كتر ما البطاطس صعبانة عليكي

الفاكهة
لو الفاكهة فيها بذر.. طلعيه من بؤك بالراحة وحطيه فى إيدك وهي مقفولة
وبعدين فى طفاية السجاير اللي على الترابيزه
أوعي ياحبيبتي من نظام التفتفة للبذر
إنسي

10- ولما تخلصي أكل تحطي إيدك على بطنك
اللي عصافيرها بتصوصو من العينات اللي كلتيها.. وتقولي له مش ممكن
أنا عمري ما اتفجعت كدة
أنا أودامي أسبوعل هابطل أكل فيه

وبعدين تمسكي الفوطة اللي دايمًا موجودة على التربيزة من غير لازمة
وتبوسيها
آل يعني بتمسحي بؤك
وبعدين تستأذني منه لدخول التوليت لإصلاح ماكياجك

وتخشي التواليت وتطلعي من شنطة إيديك
لفة الفول والطعمية اللي جايباها معاكي
وبالهنا والشفـــا




ولمة تتجوزى ابقى كلى برحتك

معاينة صفحة البيانات الشخصي للعضو

2 رد: طريقه الاكل لو خارجه مع خطيبك في الثلاثاء أكتوبر 02, 2007 9:24 pm

Casper


مشرف
مشرف
Sorry انا عارف ان الموضوع ده خاص بالبنات بس بصراحه العنوان شدني و خلاني ادخل

علي العموم ده موضوع رائع (اخر حاجه ) بس ياريت البنات ياخده بنصايحك و يعملوا بيها
بس يا تري بعد الخطوبه و الجواز هاترجع ريما لعادتها القديمه ........

معاينة صفحة البيانات الشخصي للعضو

3 هههههههههههههه في الأربعاء أكتوبر 03, 2007 4:12 pm

shosho amorh


عضو شقي مبتدىء
عضو شقي مبتدىء
عارف بعد الجواز هترجع ريما من عند اختها فى مارينا

معاينة صفحة البيانات الشخصي للعضو

4 رد: طريقه الاكل لو خارجه مع خطيبك في الخميس أكتوبر 04, 2007 6:22 pm

glamorous love


الاداره- اشراف عام
الاداره- اشراف عام
ههههههههه
ميرسى على الموضوع ياشوشو
بس انا شايفة ان اى بنت لو كانت
على طبيعتها هتكون احلى
ومن غير تكلف
لكن فى الوقت الحالى معظم البنات بتقلد كتير
واحيانا فى حاجات غير مناسبة لهم
وشايفة ان لازم كل البنات تتمسك بشخصيتها
وباسلوبها
وعموما هى نصائح لذيذة


_________________


المخلصون نادرون ..
كالاحجار الكريمة ..
لكن أن وجدناهم فهم فى ..
حياتنا ثراء لا يقدر بثمن ..
معادنهم تشع بالمحبة ..
وأن قصرنا فى حقهم ....
لا يتغيــــــــــــرون ....

معاينة صفحة البيانات الشخصي للعضو http://sh2wh.ahlamontada.biz/

5 رد: طريقه الاكل لو خارجه مع خطيبك في الخميس أكتوبر 04, 2007 6:24 pm

glamorous love


الاداره- اشراف عام
الاداره- اشراف عام
تم نقل الموضوع


_________________


المخلصون نادرون ..
كالاحجار الكريمة ..
لكن أن وجدناهم فهم فى ..
حياتنا ثراء لا يقدر بثمن ..
معادنهم تشع بالمحبة ..
وأن قصرنا فى حقهم ....
لا يتغيــــــــــــرون ....

معاينة صفحة البيانات الشخصي للعضو http://sh2wh.ahlamontada.biz/

6 رد علي موضوع الاكل مع خطيبك في الجمعة أكتوبر 05, 2007 7:10 am

Mando


الاداره
نائب المدير العام
الادارهنائب المدير العام
للأسف والله يا شوشو كلهم في الاول بيعملو كده

وبعدين تظهر المفاجأه الكبيره


تا تا تا تا





Sorry


تلاقيها بتأكل بأيديها ورجليها وطبعا لافي سكينه ولا يحزنون


وكلها شهر وتعالي زوريها تلاقي البيت زاد (باب)

معاينة صفحة البيانات الشخصي للعضو http://sh2wh.ahlamontada.biz/index.htm

7 مكرر ويحذف في الجمعة أكتوبر 05, 2007 11:30 am

glamorous love


الاداره- اشراف عام
الاداره- اشراف عام
هذا الموضوع مكرر
مع موضوع
corsair
" لو جاكى يوم واتخطبتى يا انستى العزيزة "
فى ساحة بنات روشة
وياريت يحذف


_________________


المخلصون نادرون ..
كالاحجار الكريمة ..
لكن أن وجدناهم فهم فى ..
حياتنا ثراء لا يقدر بثمن ..
معادنهم تشع بالمحبة ..
وأن قصرنا فى حقهم ....
لا يتغيــــــــــــرون ....

معاينة صفحة البيانات الشخصي للعضو http://sh2wh.ahlamontada.biz/

8 رد: طريقه الاكل لو خارجه مع خطيبك في الجمعة أكتوبر 05, 2007 3:36 pm

بحبك بجنون


الاداره
نائب المدير العام
الادارهنائب المدير العام
هههههههههههه
والله موضوع يجنن يا شوشو
ميرسي كتير
بس كله تمثيل


_________________
معاينة صفحة البيانات الشخصي للعضو http://sh2wh.ahlamontada.biz/

استعرض الموضوع السابق استعرض الموضوع التالي الرجوع الى أعلى الصفحة  رسالة [صفحة 1 من اصل 1]

صلاحيات هذا المنتدى:
لاتستطيع الرد على المواضيع في هذا المنتدى