شـــــــــــــــقـــــــــــــاوه

انضم الينا ستجد كل ما تتمناه


أهلا وسهلا بك زائرنا الكريم, أنت لم تقم بتسجيل الدخول بعد! يشرفنا أن تقوم بالدخول أو التسجيل إذا رغبت بالمشاركة في المنتدى

معلومات عن عماره العفريت بالاسكندري

استعرض الموضوع السابق استعرض الموضوع التالي اذهب الى الأسفل  رسالة [صفحة 1 من اصل 1]

1 معلومات عن عماره العفريت بالاسكندري في الخميس سبتمبر 20, 2007 4:08 am

Belal


المراقبه
المراقبه

عمارة رشدي ... ولا عمارة العفاريت

اكيد مدام انت اسكندري اكيد سمعت عن اشهر عمارة فى اسكندرية اللى سكانها مش من البشر العمارة الاشهر فى مصر بحالها مش فى اسكندرية بس لكن الغريب .. هلى فعلا الموضوع حقيقيي ولا هو ميتعداش اكتر من موهبة شعبنا فى الاختراع وترويج الاشاعات المهم انى كنت فى القاهرة من فترة وعندما تعرفت على بعض الاصدقاء اللى كنت اول مره بقابلهم فى حياتى وطبعا كا المتوقع والمتفق عليه من هيئة الردود العالمية انك لما تقول انا من اسكندرية يردوا عليك ويقولولك اجدع ناس او ايه اخبار اسكندرية .. لكن لما يقولك وعمارة العفاريت عاملة ايه ... لازم تقف وتفكر وتقول عفاريت ايه وتفتكر بسرعة عمارة رشدي ..
عمارة رشدي عمارة غريبة جدا العمارة اللى اتبنت من الستنيات تقريبا ومن يوم ما اتبنت لحد دلوقتى لم يسكنها احد ويقال انها مسكونه ... بعيد عن ودن السامعين ... الغريب برضه اننا من صغرنا بنسمع كلام كتير عن العمارة لدرجة انى واحد من الناس اللى رسمتلها فى خيالى صورة من افلام الرعب ... حاجة كده زي قلعة دراكولا .. او تشبها وممكن تسمع فلان اللى يقولك انى كان لى واحد صحبي كان شغال فى البنزينه اللى فى وشها وكل يوم يسمع صويت بليل والشبابيك بتفتح وتتقفل واللى يقولك ده كان فى ظابط قال ايه الكلام اللهبل ده ودخل العمارة لقه نفسه تانى يوم فى الشارع ... واللى يقولك الحنفيات بتنزل دم .... واللى يقولك انت بتسمع صريخ بس ده مش صريخ انس ده صريخ غريب .... زي ما يكون اتنين من العفاريت بيتخنقوا على سرير

او اللى يقولك ممكن تقوم الصبح تلاقى غسيل متنشر وبليل بيتشال ...... وكتير قوي من الكلام ده
عمارة رشدي عمارة كانت لونها رمادي ودلوقتى اقتربت للسواد من عوادم السيارات غيرالشبابيك المتهالكة اللى فى منها مقفول وفيها مفتوح مفهوش شبابيك والشبابيك المفتوحة متشفش من وراها غير سواد من كتر الظلام العمارة كلها مش مسكونه ومفيهاش اي حاجة شغاله غير الجراج اللى بيخدم سكان المنطقة وبابها بتاع المدخل مقفول بجدار من الطوب مبني من زمان ....
وطبعا الرأي المشهور فى سبب قفلها هو رأي العفاريت ...
وطبعا فى اللى بيقول انها اتسكنت عشان هى اصلا كانت مسجد وصاحبها طمع فى الارض وهد المسجد وبناها

ومنهم اللى بيقول ان صاحبها ندر ندر لو ربنا عطا له فلوس وقدر يبنيها هيعمل الدور الاول مسجد ولما اتبنت طمع فيها

وفى اللي بيقول انها اتبنت على مصحف وقع من واحد من العمال

وفى اللى بيقول انهم كانوا مجموعة شركه ونصبوا على واحد فيهم فرملهم عمل وهما بينوا وطلعت العمارة عليه

وفى اللى بيقول ان العمارة صاحبها بناها ومات على طول ومازل فى خلاف بين الورثه حتى الان

وفى اللى بيقول ان الوريث الوحيد بره مصر وطلع الاشاعة ديه عشان محدش يسرقها وهو مش موجود

وفى حاجات كتير بتقال لكن
السؤال عمارة فى رشدي على شارع ابوقير فى مكان متميز زي ده ازاي اصحاب المقاولات سيبنها وموقعها متميز جدا ازاي عمارة فى مكان الشقة لا تقل عن مليون جنيه متروكة حتى الان ... ولو فعلا العمارة مسكونه هل لا يوجد فى مصر شيخ يقدر ينظفها ... وازاي السكان اللى حوليها قدرين يعيشوا ...
وبكده ينتهى الموضوع وستظل عمارة رشدي لغز لا يفهمه الكثيير وهناك من يقتنع فعلا بان بها سكان من العالم الاخر وهناك من لا يقتنع بهذه الخرفات ولكن يبقى السؤال لما هى متروكة حتى الان ....

معاينة صفحة البيانات الشخصي للعضو http://sh2wh.ahlamontada.biz

2 مثث برمودا جديد في الخميس سبتمبر 20, 2007 8:03 pm

glamorous love


الاداره- اشراف عام
الاداره- اشراف عام
هههههه
فعلا الكتير من المصريين
بيعانوا من السلبية والرضا بالامر الواقع Rolling Eyes
وانا بضم صوتى لصوتك
والسؤال
متى نفوق من هذه السلبية المفرطة ؟ Question Exclamation

معاينة صفحة البيانات الشخصي للعضو http://sh2wh.ahlamontada.biz/

3 رد: معلومات عن عماره العفريت بالاسكندري في الجمعة سبتمبر 21, 2007 1:45 am

Belal


المراقبه
المراقبه
المشكله عمرها ماتتحل علشان مافيش شخص بيقوم بحاجه طالما انى اللى حوليه ساكتين وكلمته الشهيره (وانا مالى هو انا اللى هاتكلم لوحدى)وده مشكلتنا كلنا كعرب وانتى فاهمه اقصد ايه........

معاينة صفحة البيانات الشخصي للعضو http://sh2wh.ahlamontada.biz

4 شكرا ليك يا بلال في الجمعة سبتمبر 21, 2007 5:32 am

Masry_Corsair


الاداره
نائب المدير العام
الادارهنائب المدير العام
معلومه جديده بس كلها خرافات

معاينة صفحة البيانات الشخصي للعضو http://Sh2wh.ahlamontada.biz

استعرض الموضوع السابق استعرض الموضوع التالي الرجوع الى أعلى الصفحة  رسالة [صفحة 1 من اصل 1]

صلاحيات هذا المنتدى:
لاتستطيع الرد على المواضيع في هذا المنتدى