شـــــــــــــــقـــــــــــــاوه

انضم الينا ستجد كل ما تتمناه


أهلا وسهلا بك زائرنا الكريم, أنت لم تقم بتسجيل الدخول بعد! يشرفنا أن تقوم بالدخول أو التسجيل إذا رغبت بالمشاركة في المنتدى

البنات اخطر من السيجارة

استعرض الموضوع السابق استعرض الموضوع التالي اذهب الى الأسفل  رسالة [صفحة 1 من اصل 1]

1 البنات اخطر من السيجارة في الخميس سبتمبر 20, 2007 3:17 am

Belal


المراقبه
المراقبه
لم يبقى على موعد الطبيب سوى نصف ساعة ...فتسللت بعيدا عن الناس

لانفرد بسيجارتى- يا سلام لو فيه حد بيعمل قهوة هنا- واسرح فى تخيلاتى وافكارى واتابع الحديث الدائم الذى لا ينقطع الا عند النوم فقط بين عقلى ونفسى ....

كم اكره ان اكون مريضا .. ربما لاننى اكره الضعف .. والمرض نوع من انواع الضعف ...

وهذا الشعور يلازمنى منذ الطفولة .. ولذلك تجدنى حين مرضى اعمل الدراسات لتجنب المرض او سرعة علاجه .. مما ساعدنى على عدم عودة اى مرض لى مرة اخرى .. الا هذا البرد اللعين الذى يتخفى لى فى جميع صوره.. وكل مرة اتبع نظاما مختلفا فى علاجه- شربت مايقرب من فدان ليمون وكانت المحصلة صفر ولابد من اللجوء للطبيب- .... اترى قد قلت مناعتى .. ام هى لعنة الزمان الذى نعيشه كلما تقدم العالم فى الطب وجد امراضا لا حصر لها .. جديدة المنشأ .. غريبة التكوين ليس لها علاج .. وان وجد العلاج يوجد بعد صعوبة من البحث والتجارب – لغاية ما الفيران اشتكت من ظلم الانسان-


وانا فى حالة التنقل بين افكارى ... اذا بصوت نسائى يسعل بجوارى

­- خير اللهم اجعله خير- واحدة لابسة ملابس ضيقة تكاد لا تخفى شيئا –طب بالزمة لابساهم ليه ... آه عشان ما حدش يقول فقيرة ما عندهاش هدوم –

فنظرت اليها نظرة المتعجب فبادرتنى قائلة :


- هو مش المفروض ممنوع التدخين ؟

لا حول ولا قوة الا بالله الواحد مخنوق خلقة من المرض والحكومة والناس مش وقتك خالص الحقيقة يعنى ... وبصراحة ما كانش ليه نفس اطفى السيجارة وشكلها استفزنى زيادة ... شكلها كده ح تخرب عليها

- وممنوع ليه بقى ان شاء الله دى حرية شخصية

- لا طبعا مش حرية شخصية انت كده بتازى الناس

- لا يا شيخة وانتى يعنى اللى مش بتاذى الناس بالهدوم اللى انتى مش لابساها دى

- انا حرة البس اللى انا عايزاه وآكل اللى انا عايزاه

- وانا يعنى اللى عبد اجير .. مش من حقى اعمل اللى انا عايزه

- ايوة بس ما تاذيش حد ... عايز تاذى نفسك انت حر

- مين بقى اللى قال الكلام ده

- منظمة حقوق الانسان هية اللى منعت التدخين فى الاماكن المغلقة بقانون دولى

- همممممم وايه اخبار نوال السعداوى

- نعم

- ما تاخديش فى بالك... ومنظمة حقوق الانسان ما تعرفش ان اللى حضرتك عاملاه فى نفسك ده اخطر على البشرية من السيجارة واول اكسيد الكربون

- يا سلام انت بتعاكس والا ايه

- لا والله بطلنا السكة دى من زمان

- امال قصدك ايه؟

- علميا السيجارة بتضرنى وبتضر اى حد جنبى على مسافة نص متر بس اما حضرتك انتشارك واسع المدى ... بالاضافة الى ان ضررك ممكن يوصل للبيوت .. انتى ما تعرفيش ان معدلات الطلاق زادت فى الفترة الاخيرة بعد ظهور نانسى وروبى وهيفاء وهبى

- ههههههههه لا يا راجل

- ح تقولى ايه رجالة خرفانة

- هههههههه وبعدين

- السيجارة ضررها صحى بس .... انما انتى ضررك صحى واخلاقى واجتماعى ودينى وثقافى وكل المناهج الدراسية حتى كتاب التربية القومية بتاع زمان ..........




لو عجبتك متنساش الرد....

معاينة صفحة البيانات الشخصي للعضو http://sh2wh.ahlamontada.biz

استعرض الموضوع السابق استعرض الموضوع التالي الرجوع الى أعلى الصفحة  رسالة [صفحة 1 من اصل 1]

صلاحيات هذا المنتدى:
لاتستطيع الرد على المواضيع في هذا المنتدى